【本地话动漫】嗲!品尝秋之味怎么少得了这3款桂花美食

-回复 -浏览
楼主 2020-10-16 11:23:58
举报 只看此人 收藏本贴 楼主

桂花飘香~桂花除了拥有迷人的香气,在食材当中也有所运用。除了我们平时餐桌上广受欢迎的桂花糖藕桂花酒酿小圆子,还有玲珑可爱的水晶桂花糕


今天一起来学习下,这些美食是如何制作的吧~~


动漫视频↓


赏斯侬高咋迭捏呷简单或者侬已经呷会刚浦东闲话啊哉,侬啊可以来听浦东方言电台版新闻播报(只需进入“浦东发布”微信公众号,点击右下角的“电台收听”栏目,选择浦东方言),全程浦东闲话刚新闻,睽睽侬听得懂伐?

文字版↓


哎老林,侬拿个啥末事啊?
诺捺阿姨自嘎做个糖桂花呀,哎送侬一瓶诺!


哦好个呀,谢谢侬啊!
迭个桂花除脱子香气好闻,伊个食用价值么也是相当高个!侬看诺像平常辰光餐桌浪厢大噶受欢迎个桂花糖藕、桂花酒酿小圆子、水晶桂花糕,迭捏末事么才是用伊来作食材个呀!


格末迭个几样小漆哪能做法则哈?
吾来告侬诺!先来刚刚迭个桂花糖藕。莲藕、糯米汰清爽以后浸泡大概3个小时备用,然后么勒拉糯米里厢嘎进干个桂花脱白砂糖拌均匀。接下来么迭个莲藕从头浪厢切开来,灌好糯米以后再盖上盖头,用牙签封口放进锅子里厢,再嘎适量个糖,等大火烧开以后么,再改小火烧大概2个钟头。等到迭个莲藕软哉糯哉、汤汁么阿浓稠以后,出锅切成片,最后么诺浇上迭个桂花糖汁么秀完成哉呀!


格末迭个桂花酒酿小圆子哪能做法则啊?
水烧开以后放进迭个小圆子,等到小圆子全部吞上来以后么,就舀进放子酒酿脱水个碗里厢,稍微拌一拌,再撒捏迭个干个桂花么,秀好漆哉!


格末侬刚头刚个还有水晶桂花糕阿里佬?
白糖80克嘎进200克个温水里厢,等迭个搅拌融化以后么,再嘎进150克个糯米粉脱75克个澄粉,馁么搅拌均匀到末颗粒以后么,然后再嘎进40克个色拉油,搅拌均匀到水佬油混合,再朝迭个家什里厢刷捏色拉油,诺搅拌好个面粉倒进去,静放40分钟左右。然后么诺冷水入锅,水开以后么蒸30分钟,蒸好以后脱脱模具。最后到凉子以后用刀蘸水切块,再撒捏干桂花,浇捏蜂蜜水么秀可以哉!


哎哟,吾光听听唻馋唾水要落下来哉!


邮箱:pdxinwenchu@163.com

我要推荐
转发到