江南西饮茶好去处!传统与潮流结合,全场点心8折~绝对唔可以错过!

-回复 -浏览
楼主 2021-11-16 11:06:26
举报 只看此人 收藏本贴 楼主


编辑/小肥猫| 摄影/史提芬
( ̄(エ) ̄)

一觉训到点几两点,爽!
朋友打电话嚟,话“Hey,不如去饮茶囖!”
我谂,几点吖?仲有茶饮咩?
点知,朋友用鄙视嘅语气同我讲“你边条村出嚟噶?江南西姨丈热点,全天都有茶饮,几十蚊就食到靓鱼翅,你唔系唔知吖嘛?仲话自己系食货!”
我感觉自己食货地位受到质疑,觉得即刻出发!嚟到江南西差唔多中段,就见到姨丈热点大大只嘅招牌,好醒目!一眼就搵到,地铁、巴士应有尽有~附近行街、睇戏一应俱全!方便到不得了!
抱住兴奋嘅心情行入姨丈热点!
环境光猛、整洁、舒适就不在话下啦!最紧要系位置好阔落,热闹得嚟又可以保持距离,唔似其他茶楼,又逼又吵~
仲有二楼!餐位超多,二人台、四人卡座甚至10人大台都有哦~
居然仲系度见到个吧台!乜茶楼有哩D嘢噶咩?
柠檬茶、奶茶等等饮料乜都有,正吖!真系好中意哩度,保持传统之余仲结合潮流需求,打造广州自己嘅特色茶楼!
真正令人惊喜嘅,系姨丈热点嘅出品!用心两个字,个个都挂係嘴边,但真正系菜品里面感受到嘅并唔多,唔信你睇我食啦~
黄焖大排翅
翅喔!仲要咁大排、先至50+蚊嘅翅喔!即刻叫翻两碗嚟啷啷口,一大排鱼翅丝丝分明,哎~唔讲啦!即刻自个拍先~
(凭本文仲有八折优惠,即系40+蚊有得食啦!)
浓稠嘅汤底充满鱼翅嘅鲜美味道,入口又绵又滑,鱼翅又爽又脆,每日嚟翻碗,真系胜过做神仙!
翡翠鲜虾饺
翠绿嘅颜色鲜艳欲滴,望住就好有胃口,蔬菜汁制作嘅外皮健康软韧,包裹住大大只鲜虾,真系大大大满足!
原只鲍鱼干蒸皇
干蒸最吸引人就梗系啖啖肉,如果哩个基础上再加多个鲍鱼,哇!咁就更加引人犯罪啦!鲍鱼果种香吖,不得了~
清汤萝卜牛腩
再嚟再嚟~饮茶梗系唔少得萝卜牛腩啦,其实菜牌嘅嘢,我每一样都唔想错过!一于嚟多几次,试匀佢~
萝卜汤底好香甜,简简单单令到牛腩嘅牛肉香味非常特出,好淋好好味,又唔会痴牙!加DD辣椒酱,就更加惹味~
流沙紫薯球
如果你因为佢外表普通而错过左佢,咁你就走宝啦~一啖咬落去,紫薯嘅香气瞬间弥漫口腔,但哩D都唔系最令人惊艳嘅地方!
随之而嚟嘅系一股热,流沙馅料缓缓流出,哇~那味道不得了!真的不得了!难怪朋友念念不忘啊~
黑椒鸡粒酥皮包
一反传统,唔再用叉烧作为馅料!黑椒鸡粒香得嚟又有少少辛辣,劲过瘾!餐包顶部都香脆嘅酥皮,包身温热,咬落去就香软舒服,饱满嘅馅料令味道更上一层楼,好多地方嘅餐包,我都净系想食馅唔食包,但姨丈热点就令你觉得少左其中一样都系缺失!
鲜虾腐皮卷
姨丈热点有好多特色嘅点心,好多地方都冇噶!就好似哩款鲜虾腐皮卷,腐皮松脆可口,唔讲真系以为自己食紧春卷~
里面嘅馅料鲜香紧实,简直无得弹!
鲍鱼美豚一口挞
哩个哩个哩个~哇哇哇!哩个系我最最最爱,最最最惊艳嘅点心啦 !鲍鱼同酱汁非常香浓,挞皮又松化酥脆两种唔同嘅口感味道系嘴里面混合!好销魂~
椰香桂花糕
食左咁多嘢,最后再嚟多个清香嘅甜品,咁就完美啦!淡淡嘅桂花糕,加淡淡嘅椰汁糕,比人嘅感觉清新舒服,将成餐饭落黎嘅油腻全部消除,再嚟多杯茶添~正!
饮茶嘅文化深入每一个广州人嘅骨髓,以前由于时间关系饮茶几乎系老人家嘅专利,E+难得姨丈热点,全天都有茶饮。尤其周末可以训饱训足,再陪屋企人去饮杯茶,食D点心,倾倾计,真系最舒适嘅事情啦!
小Tips:
到店出示本文,仲有八折优惠哦!
详情咨询店员!
活动时间:6月14-7月14
千万唔好错过!
(酒水茶位除外)
地址: 海珠区 江南西路63号首层(润汇大厦对面)
电话: 020-34401791

我要推荐
转发到